ئال شو ...الجزيرة تكشف سبب مقتل عرفات بعد 9 سنوات من وفاته ..لك دخيلكن !

ئال شو ...الجزيرة تكشف سبب مقتل عرفات بعد 9 سنوات من وفاته ..لك دخيلكن !
احنا الفلسطينية عارفين سبب مقتل الرئيس الرمز ياسر عرفات ابو عمار من زمان زمان
من لما سمعنا بخبر استشهاده رحمه الله و ادخله فسيح جناته
لك انا من لما كان عمري 9 سنين بعرف هالحكي ! يعني ئبل 9 سنين لما كان عمري 9 سنين او 10 سنين
مات مسموم ربنا يسم و يحرق كل زفـــــت سمه
لك هذا ابو عمار !!
كل رؤساء العرب قتلو شعوبهم الا ابو عمار !
ابو عمار ضحى بنفسه و ماله !
حتى استشهد !
ابو عمار اللي ما كان يأخر الرواتب على شعبه لو يوم واحد !
أبو عمار اللي الصغار و كبار حبوه من قلوبهم
اديش نفسي كان اخذ صورة معاه قبل وفاته
كان في عمر جدي برضو
كان بودعنا و دموعه غرقانة عينيه
عارف كان شو راح يصيرلو في لندن
عارف انو راح يتم اغتياله
يوم محملوه و اخذوه بالهليوكبتر و كان ئاعد على الكرسي المتحرك
و بسلم على حبايبة الشعب و دموعه و قلبه بودعهن

هذا ابو عمار
من لما قالتله هذه المبعوثة من الولايات المتحدة الامريكية من لما قال كلام
ثم ردت عليه و تقوله انتبه انت بتكلم الرئيس الامريكي
فرد عليها و قال
بل هو اللي بنتبه انو بكلم الرئيس الفلسطيني
لك تحيا في جنات ربك يا ابو عمار شو رجججاااال

لك هذا الرئيس اللي صحا العالم على حال فلسطين
اللي قال خطاب و الكلمة اللي لفتت كل العالم اله

"جئتكم اليوم بغصن زيتونا اخضر وفي يدي بندقية ثائر فلا تسقطوا الغصن الأخضر من يدي"
لك والله العظيم لما كان موجود ما كان منازعات بين فتح و حماس قسماً بالله
انا مش فتحاوية
ولا حمساوية
انا فلسطينية مسلمة !!!
بنت أمة محمد !
و طز على كل حزب مفرق الشعب
و بقولها بكل فخر
و اللي بدو يجي يحاسبني مانكم قدي
ربي وبس هو اللي بيحاسبني

هــه و ئال شو الجزيرة عرفت انو ابو عمار قتل مسموم
لك دخيلكن شو راح تعملو بعد هيك
تشربو فنجان قوة ولا شاي و تتفرجو على هالشعب و بس ؟