شب بيسأل شب
- معاك نسكافيه ؟
-لأ
*خلصت*
____
بنت بتسأل بنت
- معك نسكافيه ؟
- لأ ، ولك ما النسكافيه طلع هو إللي كان بيوجعلي بطني
- احلفي
- والله لعلمك الكافيين كله بيضر المعدة على الريق
- بتعرفي جد شو اللي منيح على الريق
- شو ؟
- المي السخنة بيحكولك بتنحِف بشكل خرافي
- احلفي !
- والله بنت عمي نحفت ١٠ كيلو من المي السخنة
- صحيح هي بنت عمك خطبت ؟
- ولك اه احزري لمين ؟
- ميين !
- بتتزكري ادهم صاحب بنت خال ياسمين
- احلفييييييي !
- مو ادهم بتتزكري اخوه الانطوائي هاد الطلهينة
- لا مش متزكرة اي واحد
- هو هاد اللي خطبته
- بتعرفي صايرة انسى كتير هالايام حاسة انه عندي نقص B12
- لازم تصيري توكلي عين الجمل
- شو كنت بدي احكيلك ع سيرة عين الجمل ، شفتي عين سارة بعد ماعملت الليزك
- ليش مالها
- يحرااام ورمت كتيير
- بتزكر لارا عملته وما صار معها هيك
- هي لارا خلفت صح ؟
- اه يحرام مطلعة عينها لا بتنام لا ليل ولا نهار
- انا كمان صايبتني حالة ارق وتوتر
- اشربي حليب قبل ما تنامي كل يوم
- يختي ما بحبببه
- صح كنتي بدك ياني بأشي نسيت شو كان بدك ؟
- انا ! شو كان بدي ؟
- نسكافيه
- العِب بالييييه
- اااااه صح متى رح نروح ع الباله
- شو رأيك يوم الاربعا ؟
- لا ما بقدر بدي اروح اشوف فستان
- لشو الفستان ؟
- عرس رانيا بنت خالتي مش حكتلك !
- وووااال رانيا صارت بدها تتزوج وانا وياكي بوجه بعض .....